1

 

 

 

1

 

 

1

 

1

 

1

 

 

1

 

1

 

 

Ուղեցույց. Ինչպե՞ս անձնական տվյալներն ավելի պաշտպանված դարձնել Google-ում և YouTube-ում

ԱՆՁՆԱԿԱՆ ՏՎՅԱԼՆԵՐԻ ՊԱՇՏՊԱՆՈՒԹՅԱՆ ԳՈՐԾԱԿԱԼՈՒԹՅՈՒՆ / ՀՀ ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅՈՒՆ

Աշխարհի ամենամեծ և հայտնի ինտերնետային ընկերությունը` Google-ն իրականացնում է օգտատերերի տվյալների հավաքագրում` այդ տվյալներն օգտագործելով գովազդների արդյունավետությունը բարձրացնելու նպատակով: Ընկերությունն, օրինակ, հետևում է, թե ինչ կայքեր են այցելել մարդիկ։

2016 թվականի հոկտեմբերին Google ընկերությունը որոշակի փոփոխություններ կատարեց տվյալներ մշակելու քաղաքականության մեջ, սակայն, այդ մասին առանձնապես չի բարձրաձայնվում։ Այժմ ընկերությունը կարող է օգտատիրոջ մասին ամբողջական տեղեկատվություն ստանալ` ոչ միայն հիմնվելով այն բանի վրա, թե ինչ տեսանյութեր է դիտել մարդը, ինչ էլեկտրոնային նամակներ է գրել, ինչ է փնտրել համացանցում, այլ նաև` ըստ կայքերի այցելությունների պատմության։ Եւ այս ամենը կցվում է օգտատիրոջ անվանը։
Այս ուղեցույցը գործնական քայլերի միջոցով կօգնի Ձեզ «արգելել» Google-ին հավաքել Ձեր մասին տեղեկություններ ամբողջությամբ կամ մասնակի։
Արգելեք հավաքագրել տվյալներ այն մասին, թե ինչ կայքեր եք այցելել
Այս էջում կարող եք անջատել այն գործառույթները, որոնք Google-ին հնարավորություն են տալիս տվյալներ հավաքել Ձեր մասին:
Անջատիչի միջոցով կարող եք դադարեցնել համացանցում կամ հավելվածների միջոցով կատարած ձեր գործողությունների հավաքագրումը:

Այցելությունների պատմությունը

Android սարքերով կատարած գործողությունները

Ձայնային հրամանները կամ որոնումները

Այստեղ կարող եք անջատել այն գործառույթը, որը գրանցում է YouTube-ում դիտած կամ որոնած տեսանյութերի պատմությունը:

Ձեր մասին արդեն իսկ հավաքագրված տեղեկատվությունը կարող եք ջնջել այս էջում`Google-ի ձեր օգտահաշիվ (account) մուտք գործելուց հետո։ Եթե չունեք հաշիվ Google-ում, բացեք այն այս էջում` հետևելով համապատասխան հրահանգներին:

Ընդ որում, ինքներդ կարող եք ընտրել, թե որ ժամանակահատվածի ու ծառայության համար եք ուզում ջնջել տվյալները. 1

YouTube-ում Ձեր դիտած ու որոնած տեսանյութերի պատմությունը կարող եք ջնջել այս էջում

1

Արգելեք գովազդային ծառայություններին հետևել ձեր նախապատվություններին

Այստեղ կարելի է անջատել կամ միացնել գովազդի ցուցադրումը՝ ըստ ձեր հետաքրքրությունների։ Ձեր հետաքրքրություններին համապատասխանեցնելու համար Google-ը կազմում է օգտատիրոջ պատկերը. «Ձեր թեմաները» («Ваши темы», «Your Topics)» և «Իմ էջը» («Мой профиль», «Your Profile») կետերում կարելի է տեսնել, թե ընկերությունն ինչ տվյալներ է հավաքել ձեր սեռի, տարիքի ու հետաքրքրությունների մասին։ Այս կետերը կարելի է խմբագրել, բայց ավելի հուսալի է անջատել «Գովազդի անհատականացում» ֆունկցիան։ Դրանից հետո Google-ը կդադարի հետևել ձեր հետաքրքրություններին, իսկ դուք այլևս չեք տեսնի ձեր հետաքրքրություններին համապատասխանող գովազդ։

1

Արգելեք բրաուզերներին պահել ձեր գործողությունների պատմությունը և դա օգտագործել թիրախավորված գովազդի համար

DoubleClick-ը գովազդային ցանց է, որը հավաքում է ձեր ինտերնետային այցելությունների պատմությունը ու հետո ցուցադրում թիրախավորված գովազդներ։

Ովքեր չեն ուզում, որ DoubleClick գովազդային ցանցը հետևի իրենց, նրանց համար Google-ը թողարկել է հավելված բրաուզերի համար։ Այն արգելում է DoubleClick-ին ձեր համակարգչում պահել քուկիներ՝ տեքստային ֆայլեր, որոնցում գրանցվում է ինֆորմացիան այն մասին, թե ինչ կայքեր եք այցելել ու ինչ գովազդ եք դիտել:

1

Կարգավորեք հեռախոսը

IOS-ով ու Android-ով աշխատող հեռախոսներում նույնպես կա ֆունկցա, որը թույլ է տալիս գովազդային ցանցերին հետևել Ձեզ։ Iphone-ներում պետք է մտնել «Կարգավորումներ» («Настройки, Settings) > «Գաղտնիություն» (Конфиденциальность, Privacy) > «Գովազդ» ու ակտիվանցել «Սահմանափակել գովազդներին հետևել» (Ограничить трекинг рекламы, Limit Ad Tracking) կետը։ Android-ում՝ «Կարգավորումներ» (Настройки, Settings) > «Google» > «Գովազդ» ու ակտիվացնել «Անջատել գովազդի անհատականացումը» (Отключить персонализацию рекламы, Disable personalized ads) կետը։

1

iPhone-ի համար

1

Android-ի համար

Արգելեք Google+-ին օգտագործել ձեր անունը գովազդներում
Այս կարգավորումը կապված է Google+ սոցիալական ցանցի հետ։ Նախկինում Google-ը կարող էր գովազդներում Ձեր ընկերներին ցույց տալ Ձեր նկարն ու անունը, եթե մինչ այդ դուք «հավանել եք» այդ ծառայությունը կամ ապրանքը։ Հայտնի չէ՝ կա այդ ֆունկցիան այժմ, թե ոչ, բայց ամեն դեպքում այն կարող եք անջատել այստեղ:
Ուսումնասիրեք, թե էլ ինչ կարելի է արգելել Google-ին
Հաջորդիվ ներկայացվող կարգավորումները գովազդի հետ ուղիղ կապ չունեն։ Բայց Google-ը մեծ թվով տվյալներ է հավաքում այն մասին, թե ինչ եք դուք անում՝ ներառյալ ձեր ձայնային հրամանների աուդիոները (Okay Google ձայնային որոնումները)։

Այստեղ կարող եք տեսնել, թե ընկերությունն ինչ գիտի ձեր մասին, իսկ անջատել, օրինակ, YouTube-ում դիտած տեսանյութերի կամ ձայնային որոնման պատմությունը կարող եք այստեղ։ Բացի դրանից, Google Maps-ը պահպանում է ձեր այցելությունների պատմությունը։ Էջի ներքևում կտեսնեք «Անջատել պատմությունը» մեծ կոճակը:

1

YouTube-ը նույնպես ունի իր օգտագործման պայմաններն ու քաղաքականությունը։ Անցանկալի տեսանյութերը այս պորտալից հեռացնելու համար պետք է այդ մասին հայտնեք հենց YouTube-ին
1

Կարող եք հայտնել այնպիսի տեսանյութերի մասին, որոնք խախտել են ձեր հեղինակային իրավունքները (Օրինակ՝ ձեր հեղինակած տեսանյութը այլ օգտատեր հրապարակել է իր ալիքում), կամ տեսանյութեր, որոնցում առկա է պոռնոգրաֆիա, բռնություն, սեռական ակտ, տեսանյութեր, որոնք վտանգ են ներկայացնում երեխաների համար, պարունակում են ատելություն, արյունոտ կադրեր, քարոզչություն են անում ընդդեմ ազգի, էթնիկական ծագման, կրոնական համոզմունքների։
Եթե ցանկանում եք հայտնել տեսանյութի մասին, որը չպետք է լինի YouTube-ում (այդ թվում ձեր մասնակցությամբ կամ ձեր մասին տեսանյութերը), արեք հետևյալը.
Նախ պետք է գրանցվել սեփական էջն ունենալու համար, այլապես հնարավոր չէ բողոքել։ Գրանցվելու համար պետք է ստեղծել Google-ի օգտահաշիվ այս էջում։
Այնուհետև ստեղծված էլ. փոստի անունով ու գաղտնաբառով անհրաժեշտ է մուտք գործել YouTube, բացել տեսանյութը, որի մասին ուզում եք բողոքել ու անել հետևյալը.
Տեսանյութի ներքևի հատվածում սեղմել` «Ավելին» (More), այնուհետև` «Հայտնել» (Report):
1




Այնուհետև կբացվի մեկ այլ դաշտ, որտեղ պետք է ընտրել, թե հատկապես ինչ պատճառով տվյալ տեսանյութը չպետք է լինի YouTube-ում

1
Սեքսուալ բովանդակություն
Բռնություն կամ զզվելի բովանդակություն
Ատելի կամ վիրավորական բովանդակություն
Վնասակար ու վտանգավոր գործողություններ
Երեխաների շահագործում
Սպամ է կամ խաբեություն
Խախտում է իմ իրավունքները
Լուսագրերի խնդիր

YouTube-ի օգտագործման պայմաններին ավելի մանրամասն կարող եք ծանոթանալ այստեղ:Google-ի գաղտնիության քաղաքականությանը կարելի է ծանոթանալ այստեղ:
































Մեր մասին | Կապ | Տեսասրահ| Մեր մասին ©Media Education Center

Circle.Am: Rating and Statistics for Armenian Web Resources