ՏԵՂԵԿԱՏՎԱԿԱՆ ԹԵՐԹԻԿ  13

ՀԵՌԱՎԱՐ ՈՒՍՈՒՑՈՒՄ

Ի՞նչ է հեռավար ուսուցումը

Հեռավար ուսուցումը (http://en.wikipedia.org/wiki/Distance_learning) Վիքիփեդիայում սահմանվում է (տե՛ս  http://en.wikipedia.org/wiki/Main_Page) որպես «դասավանդման այնպիսի մի եղանակ, երբ չի պահանջվում,  որ ուսանողները ֆիզիկապես ներկա լինեն որոշակի վայրում դասընթացին մասնակցելիս»:

Այս մեթոդը  բոլոր երկրների և բոլոր տարիքի մարդկանց կրթության հնարավորություն է տալիս՝  ձեռք բերելով դիպլոմներ, վկայագրեր և գիտական աստիճաններ աշխարհի համարյա բոլոր առցանց համալսարաններից:

Հեռավար ուսուցման գաղափարը առաջացավ,  երբ  մեծահասակները ձգտեցին կրթություն ստանալ և  կատարելագործվել տան պայմաններում կամ բանակում ծառայելիս, կամ էլ  զուգակցելով աշխատանքն ու ուսումը:  Ուսուցման ընթացքում հիմնականում օգտվում էին ավանդական փոստից՝ պարբերաբար ստանալով  ուսումնական նյութերը, ապա հետ էին ուղարկում կատարված աշխատանքը: Ժամանակակից տեխնոլոգիաների շնորհիվ հեռավար ուսուցումը էական զարգացում է ապրել: Այն իրականացվում է համացանցով և ուսանողները կարող են անգամ գիտական աստիճաններ ստանալ առանց ավանդական դասասենյակը տեսնելու: Հեռավար ուսուցման առաջընթացը  հեղափոխել է անընդհատ կրթության ոլորտը: Օրինակ.

·    Դասախոսությունները հնարավոր է կազմակերպել հոսքային մեդիայի միջոցով (http://en.wikipedia.org/wiki/Streaming_media)` օրինակ, ուղիղ հեռարձակմամբ կամ տպագիր տեսքով պահելով դրանք դասախոսի սպասարկուում (http://en.wikipedia.org/wiki/Web_server):

·     Սովորողները ուսուցչի և միմյանց հետ շփվում են տարբեր հաղորդակցման համակարգերով՝ հաղորդագրության հարթակների  (http://en.wikipedia.org/wiki/Message_boards , http://hy.wikipedia.org/wiki/%D5%8E%D5%A5%D5%A2-%D6%86%D5%B8%D6%80%D5%B8%D6%82%D5%B4), էլ-փոստի (http://en.wikipedia.org/wiki/E-mail)  և  զրուցարանի (http://en.wikipedia.org/wiki/Chat) միջոցով:

·    Հանձնարարությունները վերբեռնվում և տեղադրվում են ուսուցչի վիրտուալ դարակում,  նույնիսկ թեստերն ու քննությունները կարող են լիովին ավտոմատացվել և անցկացվել առցանց:

·    Դասընթացի նյութերը միշտ հասանելի են և հեշտությամբ կարող են թարմացվել:

·     Ուսումնառության առցանց եղանակը սեփական ժամանակը կազմակերպելու  աննախադեպ հնարավորություն է տալիս ուսանողներին:

Որո՞նք են հեռավար ուսուցման առավելությունները

·    Համացանցը կատարյալ միջոց է վիրտուալ ուսումնական միջավայր ստեղծելու համար: Սովորողները կարող են, օրինակ, մնալով իրենց բնակավայրում սովորել արտասահմանում գտնվող վիրտուալ համալսարանում:

·     Սովորողներին ուսումնական ամբողջ նյութի հասանելիությունը  հնարավորություն է տալիս ավելի ինքնուրույն և անկախ լինել ուսումնառության ողջ գործընթացում:

·      Սովորողները ավելի մեծ պատասխանատվություն են սկսում կրել իրենց ուսումնառության համար, մինչդեռ ուսուցիչը աստիճանաբար ստանձնում է  խորհրդատուի դեր:

·    Դասընթացները սահմանափակված չեն դպրոցի կամ համալսարանի աշխատանքային «նորմալ» ժամերով, բոլորի համար անընդհատ կրթության նոր հնարավորություններ են բացվում:

·      Հեռավար ուսուցումը փոխում է ինչպես սովորողի, այնպես էլ ուսուցչի վարքագիծը: Լավ սովորողները ավելի կազմակերպված ու նպատակամղված են դառնում, իսկ ուսուցիչները խորանում են տեխնոլոգիաներում:

Ի՞նչ պետք  հաշվի առնել հեռավար ուսուցման ծրագիր ընտրելիս

Ընտրելով հեռավար ուսուցման որևէ ծրագիր, պետք  է  որոշ զգուշություն ցուցաբերել:

·    Հիշեք, որ համացանցը կառավարվող միջավայր չի:  Օրինական կրթական հաստատությունների կողքին գոյություն ունեն հեռավար ուսուցում առաջարկող կասկածելի կազմակերպություններ:   Դիմելուց առաջ ստուգեք, արդյո՞ք բավականաչափ խորն եք ուսումնասիրել առաջարկվող հեռավար ուսուցման ծրագիրն ու նախընտրած կազմակերպությունը:

·   Անվտանգության խնդիրները միշտ էլ կարևոր են, ճիշտ այնպես, ինչպես համացանցով ցանկացած տեղեկատվության փոխանակման ժամանակ: Վիրուսներն (http://en.wikipedia.org/wiki/Computer_virus ) ու հակերները  (http://en.wikipedia.org/wiki/Hacker) կարող են  կործանել հեռավար ուսուցման համակարգը. մասնավորության և անվտանգության մասին 15 և 16 տեղեկատվական թերթիկներում ներկայացված են պահանջվող նախազգուշական միջոցառումները:

·   Հեղինակային իրավունքը (http://en.wikipedia.org/wiki/Copyright) սովորաբար պաշտպանված է լինում այն երկրի օրենսդրությամբ, որտեղ բնակվում է սովորողը: Այնուամենայնիվ,  դիմելով այլ երկրներում առաջարկվող հեռավար ուսուցման ծրագրերի՝ համոզվեք, որ կրթական պաշարները  պաշտպանված են միջազգային հեղինակային իրավունքով:
Դասընթացների ազնիվ օգտագործումը և ժամանակին վճարումը նույնպես կարևոր են:

Լավագույն փորձը

Համացանցը փոխում է սովորելու եղանակները: Կարևոր է,  որ սովորողներին հնարավորինս հասանելի լինեն տեղեկատվական բոլոր պաշարներն ու դրանց յուրացմանը նպաստող գործիքները:
«Թվային ջրբաժանը» (http://en.wikipedia.org/wiki/Digital_divide) խոչընդոտում է շատ երկրների սոցիալ-տնտեսական աճը, իսկ հեռավար ուսուցումը կարող է փոքրացնել այդ ջրբաժանը:
Հեռավար ուսուցման շնորհիվ կարող են զգալիորեն աճել ուսանողների գիտելիքները:  Դրա միջոցով սովորողները, նրանց ընտանիքներն ու ուսուցիչները գործնական փորձ ու գիտելիք են ստանում համացանցից: Հեռավար ուսուցումը սովորողներին նոր հմտություններ և որակավորում ստանալու, նոր ուղղություններով զարգանալու հնարավորություն է տալիս:

Լրացուցիչ տեղեկությունների համար

·   Հեռավար ուսուցման ցանցը տրամադրում է հեռավար  ուսուցման մասին տեղեկություններ՝ դրա արդյունավետության, առավելությունների, թերությունների և տեխնիկական միջոցների վերաբերյալ զեկույցներ՝ <http://www.distancelearningnet.com/>:

•   Հեռավար կրթության և ուսուցման խորհրդի կայքում  <http://www.detc.org/otherdownld.html> կգտնեք հեռավար ուսուցման մասին զեկույցներ, որոնք մատչելի են անվճար ներբեռնման համար:

•   Yahoo! պորտալը ունի  հեռավար ուսուցման ծրագրերի և հաստատությունների էջ` <http://dir.yahoo.com/Education/Distance_Learning>:

 

ՏԵՂԵԿԱՏՎԱԿԱՆ ԹԵՐԹԻԿ  14

ՊԻՏԱԿԱՎՈՐՈՒՄ  ԵՎ  ԶՏՈՒՄ

 

 

 
NEW PUBLICATIONS